بارك الله فيك يا غالى

موضوع: بارك الله فيك يا غالى 2010-07-26, 9:48 pm

سؤال بسيط ساعات بسأله لنفسي وكتير مننا بيسأله لنفسه

كتير مننا بيحب الصلاة وعاف إنّها مهمّه جداً بس مش بيصلّي ساعات

وساعات اللي بيصلّي مش بيصلّي السنن ولا قيام الليل

رغم إننا بنحب الصلاة بجد

وكتير مننا بيحس قلبه طاير وهو بيقرأ القرآن أو بيسمعه من قارئ هو بيحبّه

ومع ذلك نادر لمّا نقرا قرآن غير في الصلاة بالكتير

كتير بيحب الأطفال ونفسه يعطف على يتيم وياخد حسنات بالملايين

ورغم كده محدّش فينا دوّر مرّه على حد يتيم يعطف عليه

وكتير نفسنا نشوف برامج لشيخ أو داعيه بنحبّه

بس نادر إننا نكون تابعنا برنامج او إتنين بحلقاتهم كاملة

رغم إننا بنتابع مسلسلات أجنبي وعربي بتوصل لخمس وستّ سيزونات

ليـــــــه؟؟؟

ببساطة علشان احنا مش واخدين بالنا إحنا بنعمل إيه.......ماشيين مع التيّار

بنصحى....ونستنّى اليوم يخلص.....وننام

أياً كان الأسباب أو الدوافع اللي شاغلانا ....دي حاجه هنفضل فيها طول
عمرنا مش هتتحل ببساطه زي ما الناس بتقول (لمّا أكبر هعقل) ......لأ مش
هتتحل كده ......هو ممكن نقول لمّا أكبر هفكّر أكتر

طيّـب ما تيجوا نفكّر دلوقتي وناخد خطوات مع بعض

هو إحنا بنحبّ إيه أكتر!!؟.....الحاجات اللي لسّه قايله عليها فوق دي

ولا اللي بنعمله في العادي

مسلسلات..........تليفزيونات......أغاني.......كليبّ ات

كافيتيريات........طاوله وشيشه وكوتشينه وكل وسائل الترفيه

النــوم....هوايه جميله عند بعض الناس

القعده على النت بلا هدف....أي كلام بيتقال

أروح عند صاحبتي ونقعد نرغي ونعمل أي حاجه لحد اليوم مايخلص

ننزل أنا وصاحباتي نلف نتفرّج على الفاتارين ويمكن نشتري حاجه

شويّه ممكن نروح النادي بقى نخلّص اليوم بقى يمكن بكره يكون مش ممل زي النهارده

لو ركّزنا والله هتلاقو إننا بنحبّ الحاجات اللي فوق اكتر من الحاجات اللي
تحت....بس إحنا متعوّدناش من صغرنا نقف ونختار اليوم هيمشي
إزّاي........بس دلوقتي لازم نقف بقى ونفكّر......أكيد زهقنا من كتر الملل
اللي إحنا فيه وأراهن إن ناس كتييييير كده.........ياريت
بقى نقف ونفكّر إحنا عايشين ليه؟؟؟ وبنسيب أيامنا تضيع على الفاضي كده
ليه؟؟؟؟

ياريت ناخد قرار إننا نعمل أي حاجه بنحبّها ونبطّل نعمل حاجات لمجرّد إننا (إتعوّدنا عليها) ومبقتش بتفرّحنا

موضوع: رد: بارك الله فيك يا غالى 2010-07-29, 3:54 am

الله يعطيك العاااااااااااافية

» ما هو ثمن الحب في الله ؟؟؟!
» لًًَآ "تَقُل" جزآكـ الله ألَفـ خير ،،وَ لكـٍنَ "قًُـل" جزآكـ الله خيْرآ
» فوائد كلمة لا اله الا الله
» لا تسأل غير انه الله
» ( الأدب مع الله عز وجل )